Ұстаздықтан тәлімгерлікке

2025 жылғы 24-25 сәуірде Астанада Smart Ustaz жобасы көктемнің негізгі білім беру оқиғасын, атап айтқанда жаттықтырушыларға арналған тренинг ұйымдастырды

Бұл шара педагогтарға дәстүрлі оқыту шеңберінен шығып, өз мектептері мен өңірлеріндегі түбегейлі өзгерістердің қозғаушы күші болуға жол ашты. Бұл  тренингтің үшінші рет өткізілуі – алдыңғы тренингтердің жоғары тиімділігі мен сұранысының дәлелі. Осыған дейін тренингке Қазақстанның әр өңірінен 200-ден астам педагог қатысты.

«Қазіргі білім беру жүйесі мұғалімдерден тек білім беруді емес, сонымен қатар көшбасшылық қасиеттерді де талап етеді. Біз ұйымдастырған тренинг жай оқытушыларды емес, оқушылар мен әріптестеріне шабыт беретін, білім беру үдерістерін басқаратын және инновацияларды енгізетін нағыз тәлімгерлерді дайындайды», – дейді Smart Ustaz жобасының жетекшісі Алина Хаматдинова.

Тренингке қатысқан педагогтар екі күн бойы 4 негізгі компетенцияны меңгерді:

• Әлеуметтік-эмоциялық дағдылар;
• Сыни ойлау;
• Оқушыларды диагностикалау мен дамыту;
• Тиімді коммуникация.